...

Mətbuat Şurasının prezidentə ünvanladığı müraciətdə mətbuata dövlət yardımını nəzərdə tutan mexanizmin hazırlanması xahiş olunur

Cəmiyyət Materials 18 Yanvar 2007 14:10 (UTC +04:00)

Azərbaycan Mətbuat Şurasının prezident İlham Əliyevə ünvanladığı müraciət bu gün - yanvarın 18-də Prezident Aparatına təqdim olunub. Bu barədə Trend ə Azərbaycan Mətbuat Şurasının sədri Əflatun Amaşov məlumat verib.

Müraciətdə bildirilir ki, Tarif Şurasının qərarı ilə ölkədə enerjidaşıyıcılarırın qiymətinin artması nəşriyyat, mətbuat xəcrlərində də dəyişikliyə səbəb olub. Bu, media ictimaiyyətini narahat edir, qəzetlərin satış qiymtələri artırılacağı təqdirdə tiraja təsir göstərəcək. Müraciətdə vurğulanır ki, qiymət artımı ilə bağlı media dövlətin müəyyən güzəştlərinə ehtiyac duyur: "Qiymət artımına qədər də müstəqil mətbuatın vəziyyəti ürəkaçan olmayıb, daim maliyyə sıxıntıları səbəbindən çoxsaylı problemlərlə qarşılaşıb. Qiymət artımından sonra vəziyyət bir qədər çətinləşib. Mətbuat Şurası ona ünvanlanan çoxsaylı müraciətləri araşdıraraq bu qənatətə gəlib ki, KİV-lərin qiymət artımının doğurduğu problemlərdən sığortalanmaları, fəaliyyətlərini əvvəlki qaydada davam etdirmələri üçün dövlətin reklam bazarının genişləndirilməsi istiqamətində əlavə tədbirlər görməsi, KİV-lərə verilən reklamın ƏDV-dən azad olunması, reklam verənlərin xərclərinin maya dəyərinə salınması, mətbu KİV-lərə dövlət yardımını nəzərdə tutan mexanizmin hazırlanması zəruridir"-deyə müraciətdə qeyd edilir.

Sənəddə həmçinin vurğulanır ki, ölkə jurnalistləri prezident İlham Əliyevin ötən ilin əvvəlində KİV-lərin "Azərbaycan" nəşriyyatına olan borclarının ləğvi ilə bağlı sərəncamını, ümumilli lider Heydər Əliyevin mediamızın inkişafı üçün həyata keçirdiyi təbirləri yüksək qiymətləndirir: "Qələm sahiblərimiz yaranmış hazırkı çətin şəraitdə yenə də sizə güvənir, kömək gözləyirlər. Ümid edirik ki, Azərbaycan dövləti mətbuatın qarşılaşa biləcəyi çətinliklərin aradan qaldırılmasında həlledici rol oynayacaq"-deyə Ə.Amaşovun imzası ilə göndərilən müraciətin sonunda bildirilib.

Xəbər lenti

Xəbər lenti