Azərbaycan, Gəncə / Trend müxbir V.Məmmədov/ Azərbaycanın Gəncə şəhərinin səkkiz orta məktəbində bu il əsaslı təmir işləri aparılacaq. Artıq bunların dördündə təmir işlərinə başlanılıb. Bu barədə cümə axşamı Gəncə şəhər Təhsil İdarəsinin rəisi Mahal Əliyev məlumat verib.
Onun sözlərinə görə, məktəblərdən ikisi dövlət, ikisi isə Dövlət Neft Şirkətinin vəsaiti hesabına təmir olunur. Dövlət Neft Şirkəti 23 və 6 saylı məktəblərin təmiri üçün bir milyon manat məbləğində vəsait ayırıb. Təhsil Nazirliyi isə 5 saylı orta məktəbdə təmir işlərinə başlamağı üzərinə götürüb. Əliyev 41 saylı orta məktəbdə təmir işlərinin Gəncə şəhər Təhsil İdarəsinin büdcə vəsaitləri hesabına həyata keçirildiyini deyib. Ümumilikdə bu il idarənin büdcəsinə təhsil obyektlərinin təmiri məqsədilə 177 min manat məbləğində vəsait ayrılıb.
Gəncə şəhəri paytaxt Bakıdan 365 kilometr qərbdə yerləşir. Azərbaycanın ikinci ən böyük sənaye şəhəridir.