Azərbaycan, Bakı / Trend müxbir E.Hüseynli/ Xəzəryanı dövlətlərin (Azərbaycan, Qazaxıstan, Türkmənistan, Rusiya və İran) ekologiya və təbii sərvətlər nazirlərinin iştirakı ilə Bakıda mayın 23-25-də toplantı keçiriləcək. Bu barədə bazar ertəsi Azərbaycan Ekologiya və Təbii Sərvətlər Nazirliyinin mətbuat xidmətindən məlumat verilib.
Xəzərin ətraf mühitinin mühafizəsi haqqında Konvensiyanı qəbul etmiş beş ölkə nazirləri dənizin ətraf mühiti ilə bağlı problemləri müzakirə edəcəklər.
Konvensiya 2003-cü il noyabrın 4-də İranın Tehran şəhərində Xəzəryanı dövlətlərin müvafiq qurumları tərəfindən imzalanıb.
