Azərbaycan, Bakı, 18 may /müx. "TrendLife" Eldar Hüseynzadə/
Bu gün Rəssamlıq Akademiyasında "Reklam fotoqrafiyası üzrə dünya təcrübəsi" adlı seminar işə başlayıb. "TrendLife"ın verdiyi məlumata görə, bu seminar "Ayna 2007" ikinci beynəlxalq foto festivalı çərçivəsində keçirilir. Seminarda tələbələrlə yanaşı, müxtəlif ölkələrdən olan qonaqların foto əsərləri də nümayiş olunacaq. Bu gün həmçinin saat13:00-da Rəssamlıq Akademiyasında fotoqrafçılar Sənan Əliyev və Gülnarə Xalıqovanın foto əsərlərindən ibarət sərgi təşkil olunacaq.