Azərbaycan, Bakı/ Trend müxbir Z.Səfərov/ Azərbaycanlı gimnast Aliyə Qarayeva Minskdə keçirilən Qran-pri yarışında 4-cü yeri qazanıb.
Azərbaycan Gimnastika Federasiyasından verilən məlumata görə, o, iplə hərəkətlərdə 17.075 balla bu nəticəni əldə edib.
Digər finallarda isə Aliyə gürzlərlə 7-ci (17.05), halqa ilə (16.75) və lentlə (16.65) çıxışlarında isə səkkizinci olub.
Çoxnövçülükdə isə Qarayeva (68.2 bal) Svetlana Rudalova və ukraynalı Anna Bessonovadan sonra 6-cı yeirin sahibi olub.
Slavyan gimnastlar Vera Sesina və Olqa Kapranova isə qiymətli metalların sahibi olublar. Yeri gəlmişkən, onların hər ikisi Alina Kabayeva ilə birlikdə 29 iyun-1 iyul tarixlərində Bakıda keçirilən Avropa çempionatına gələcək Rusiya yığmasını təşkil edirlər. Rusiya yığmasının baş məşqçisi İrina Vinerin bildirdiyinə görə, idmançılar bu ilin yekunları nəticəsində idman prinsipləri əsasında seçiliblər. Bakıda isə yaxın turnilərdə Avropa çempionatı üçün yeni proqramı sınaqdan çəxaracaq məhz bu üçlük iştirak edəcək.
Çempionatqabağı yarışlar elə Azərbaycanlı gimnastlar üçün də vacibdir.
Anna Qurabanova 26-27 may tarixlərində Çexiyanın Brno şəhərində növbəti Qran-pri mərhələsində iştirak edəcək. Həmin günlərdə yaşlı və gənc gimnastlardan ibarət ölkə yığması müvafiq olaraq Dünya Kuboku və Nijni Novqorodda keçirilən beynəlxalq turnirlərdə iştirak edəcəklər.
Eyni zamanda, Orlandoda (ABŞ) Beynəlxalq Gimnastika Federasiayasının (FIG) iclası yekunlaşıb və Azərbaycan Gimnastika Federasiyası üçün sevindirici qərar qəbul olunub. Jilli Federasiyanın beynəlxalq əlaqələr üzrə meneceri Nihad Haqverdiyev FIG İntizam komissiyasının üzvü seçilib. Şurada olan nümayəndələrin çox hissəsi onun namizədliyinin lehinə səs verib. Yaxın iki il müddətinə isə Haqverdiyevin həmkarları Böyük Britaniya və Portuqaliya nümayəndələri olacaq.
Onun sözlərinə görə, İntizam komissiyasının əsas fəaliyyəti bu və ya digər idmançılar tərəfindən yarış zamanı və məşq prosesində qaydaların pozulması məsələlərinə baxmaq, dopinq qəbul etməyə görə cəzalandırmaq və s.-dir.
İlk dəfədir ki, Azərbaycan nümayəndəsi Beynəlxalq federasiyanın tərkibinə üzv seçilir.