Azərbaycan, Bakı / Trend müxbir E.Hüseynli/ 2007-2008-cı tədris ili üçün Türkiyə Respublikası universitetlərinə qəbul olunan azərbaycanlı abituriyentlərin siyahısı məlum olub. Tələbə Qəbulu üzrə Dövlət Komissiyasından cümə günü bildiriblər ki, cari ildə Türkiyə universitetlərində təhsil almaq üçün Azərbaycan vətəndaşlarına 48 yer ayrılıb. Həmin yerlərə qəbul olunan azərbaycanlı abituriyentlərdən 23-ü türk dilindən müvəffəqiyyətlə imtahan verdiklərinə görə, bir illik türk dili kursunda təhsil almadan birbaşa daxil olduqları universitetin birinci kursuna qəbul olunublar. 7 tələbə isə daxil olduqları universitetin birinci kursuna qəbul olunublar, lakin türk dili üzrə biliklərini qısa zamanda artırmalıdırlar. 18 nəfər isə yalnız bir illik türk dili kursunda təhsil aldıqdan sonra daxil olduqları universitetin birinci kursuna qəbul olunacaq.
...