Azərbaycan, Bakı /müx. Trend Z.Səfərov/ Sumqayıtda tikintisi başlayan Paralimpiya kompleksi avqustun sonunadək hazır olacaq.
Azərbaycanın Milli Paralimpiya Komitəsindən verilən məlumata görə, kompleksdə basseyn, trenajor zalları, futbol və voleybol meydançaları və s. yer alacaq. İlkin olaraq bu arenanın Xırdalanda inşa etdirilməsi nəzərdə tutulurdu. Lakin qruntun pis olmasına görə sonradan qərara alındı ki, kompleks Sumqayıtda 17-ci mikrorayonda tikilsin.
Azərbaycanlı paralimpiyaçıların beynəlxalq arenada aparıcı mövqelərdə dayanmaları belə bir mərkəzin tikilməsinin zəruriliyini ortaya qoydu. İşlərin maliyyələşməsini Azərbaycanın Əmək və Əhalinin Sosial Müdafiəsi Nazirliyi öz üzərinə götürüb.