Azərbaycan, Bakı / Trend müxbir K.Zərbalıyeva/ Məhkəmə-Hüquq Şurasının (MHŞ) çərşənbə axşamı keçirilən iclasında hakimliyə yeni namizədlərlə bağlı məsələ müzakirə olunuub. MHŞ-dən Trend ə verilən məlumata görə, 100-dən çox namizəd sırasından 55 nəfər hakim vəzifəsinə tam layiq bilinib, onların hakim vəzifələrinə təyin olunmaları barədə Hakimlərin Seçki Komitəsinin təkliflərinə baxılıb. İclasda hakimliyə namizədlərin ixtisaslaşdırılması aparılıb və onların hakim vəzifələrinə təyin olunmaları üçün dövlət başçısına müvafiq təkliflərin verilməsi qərara alınıb.
İclasda Hakimlərin Seçki Komitəsinə yeni üzvlər seçilib.