Azərbaycan, Bakı, 5 aprel / Trend, müxbir A.Tağıyeva /
Türkiyədə "Gaziantepspor" futbol klubunun rəhbəri İbrahim Qızıl razılaşdırılmış matçların təşkilində şübhəli bilinərək həbs edilib. Trend-in məlumatına görə, xəbəri "Zaman" qəzeti yayıb.
Qızılla birlikdə klubun daha 15 işçisi də həbs edilib.
Bundan əvvəl bu işlə bağlı "Trabzonspor" idman klubunun prezidenti Sədri Şener və Türkiyə Futbol Federasiyasının idarə heyətinin üzvü, milli yığmaya görə məsul Levent Qızıl, eləcə də digər futbol komandalarının üzvləri həbs edilmişdilər.