Azərbaycan, Bakı, 21 avqust /Trend/
Azərbaycan yığması Palanqa turnirində ilk oyununu keçirəcək.
Trend Azərbaycan Futbol Federasiyaları Assosiasiyasının (AFFA) rəsmi saytına istinadən xəbər verir ki, Litvanın Palanqa şəhərində təşkil olunmuş ənənəvi beynəlxalq turnirdə 17 yaşadək futbolçulardan ibarət Azərbaycan yığması bu gün ilk oyununu keçirəcək.
Azərbaycan yığması latviyalı həmyaşıdları ilə qarşılaşacaq. Oyun Bakı vaxtı ilə saat 17:30-da başlayacaq.