Azərbaycan, Bakı, 19 noyabr /Trend/
Noyabrın 20-də, İsveçrənin Nyon şəhərində 17 və 19 yaşadək qızlardan ibarət yığma komandalar arasında Avropa çempionatının 2013/2014-cü il mövsümünün ilkin seçmə mərhələsinin püşkü atılacaq.
Trend AFFA-nın rəsmi saytına istinadən məlumat verir ki, U-17 yığma komandaların püşkatma mərasimi Bakı vaxtı ilə saat 11:30-da başlayacaq.
19 yaşadək qızlardan ibarət yığmamızın rəqibləri isə saat 13:15-də başlayacaq tədbirdə müəyyənləşəcək.