Azərbaycan, Bakı, 14 avqust /Trend/
Azərbaycanın peşəkar boksçusu Fariz Məmmədovun növbəti döyüşlərinin vaxtı məlum olub.
Trend-in məlumatına görə, həmyerlimiz sentyabrın 21-də Ukraynanın Xarkov şəhərində WBO versiyası üzrə reytinq xarakterli döyüşə çıxacaq. Oktyabrın 26-da isə F.Məmmədovun Böyük Britaniyada daha bir reytinq görüşü gözlənilir.
Əməkdaşımızla söhbətində F.Məmmədov hazırda Ukraynada bu görüşə yüksək səviyyədə hazırlıq prosesi keçdiyini deyib.
O deyib ki, hazırda fiziki durumu yaxşı səviyyədədir: "Məqsədim qarşıdakı döyüşlərdə qalib gəlməkdir".
Qeyd edək ki, F.Məmmədovun rəqiblərinin kimliyi yaxın günlərdə açıqlanacaq.