Azərbaycan, Bakı, 11 dekabr /Trend/
UEFA Çempionlar Liqasının qrup mərhələsi çərçivəsində D qrupunda "Qalatasaray" - "Yuventus" oyunu keçirilib.
Trend-in məlumatına görə, dünən güclü qar yağması səbəbindən təxirə salınan matç UEFA-nın qərarı ilə bu gün baş tutub.
Matçda bir qol qeydə alınıb. 85-ci dəqiqədə Uesli Sneyder italyanların qapısına yol tapa bilib - 1:0. Bu qol "Qalatasaray"ı 1/8 final mərhələsinə yüksəldib.
"Yuventus" isə qrupda 3-cü yeri tutaraq UEFA Avropa Liqasına yollanıb.