Azərbaycan, Bakı, 9 yanvar /Trend/
FIFA-nın I vitse-prezidenti Valentin Qranatkinin xatirəsinə həsr olunmuş XXVI ənənəvi beynəlxalq turnirdə 1996-97-ci il təvəllüdlü futbolçulardan ibarət Azərbaycan yığması bu gün Latviya komandası ilə qarşılaşıb.
Trend-in məlumatına görə, oyun 1:1 hesabı ilə başa çatdığı üçün qalib penalti seriyasında müəyyənləşib. 11 metrlik zərbələri daha dəqiq yerinə yetirən yığmamız 3:0 - ümumi nəticədə 4:1 hesabı ilə qalib gələrək 13-cü yer uğrunda qarşılaşmada iştirak hüququ əldə edib.
Turnirin son oyununu yığmamız yanvarın 11-də, saat 14:15-də Belarus komandasına qarşı keçirəcək.