Azərbaycan, Bakı, 26 yanvar /Trend/
"Neftçi" Türkiyənin Antyalya şəhərində təlim-məşq toplanışı çərçivəsində son yoldaşlıq oyununu keçirib.
Trend-in məlumatına görə, Bakı təmsilçisi Polşanın "Slask" klubu ilə qarşılaşıb.
Oyunun ilk hissəsində qapılara qol vurulmayıb. Son Azərbaycan çempionu 50-ci dəqiqədə Elvin Yunuszadə ilə hesabı açsa da, rəqib 1 dəqiqə sonra hesabı bərabərləşdirib. Bu qoldan sonra polyaklar daha iki dəfə fərqləniblər - 1:3. Matç bu hesabla da başa çatıb.
Xatırladaq ki, "Neftçi" ilk yoxlama oyununda Albaniyanın "Partizani" klubuna 2:0 hesabı ilə qalib gəlmişdi. "Fənərbaxça" və "Metallurq" (Ukrayna) ilə qarşılaşmalarda isə hesab açılmamışdı. Qazaxıstanın "Tobol" klubunu isə 4:2 hesabı ilə məğlub etmişdi.