Azərbaycan, Bakı, 10 fevral /Trend/
Azərbaycan Premyer Liqasında XXI turun oyunlarına start verilib.
Trend-in məlumatına görə, bu gün bir qarşılaşma keçirilib. "Simurq" doğma meydanda "Qəbələ"ni qəbul edib.
Turun açılış matçı Zaqatalada baş tutub. Oyuna zaqatalılar fəal başlayıblar. Birinci hissənin tamamında Draqan Çeran dubla imza atıb - 25 (1:0), 45+3-pen. (2:0)
İkinci hissədə qol qeydə alınmayıb.
Xalını 28-ə çatdıran Zaqatala təmsilçisi üçüncü pilləyə yüksəlib.
Xatırladaq ki, ukraynalı mütəxəssis Roman Qriqorçuk "Qəbələ"nin baş məşqçisi təyin edilsə də, onun rəhbərliyi altında keçirilən 3 oyunda cəmi 3 xal qazanılıb.
Qeyd edək ki, XXI tura sabah keçiriləcək 3 oyunla yekun vurulacaq.