Azərbaycan, Bakı, 26 mart /Trend/
İngiltərənin "Çelsi" futbol klubu Con Terri ilə müqaviləni rəsmən yeniləyib.
Trend-in klubun saytına istinadən verdiyi məlumata görə, komandanın kapitanı ilə müqavilənin müddəti daha bir il müddətinə uzadılıb.
Beləliklə, London klubunun canlı əfsanəsi 2015/2016-cı il mövsümünün sonunadək komandasının şərəfini qoruyacaq.
Qeyd edək ki, C.Terri ilə mövcud müqavilə bu mövsümün sonu başa çatırdı. 1998-ci ildən "Çelsi"nin şərəfini qoruyan müdafiəçi əsas komandada 661 oyun keçirib.