Bakı. Trend:
"Liverpul"un keçmiş yarımmüdafiəçisi, hazırda isə "Los-Anceles Qalaksi" klubunda forma geyinən Stiven Cerrard bu il karyerasını başa çatdıra bilər.
Trend-in xarici mətbuata istinadən verdiyi məlumata görə, o, yenidən "Liverpul"a qayıdaraq klubda məşqçi və ya başqa vəzifə tuta bilər.
İngiltərəli futbolçu bildirib: "100 faiz əmin olmasam da, çox güman, bu il karyeramda sonuncu il olacaq".
2016-cı ilin noyabr-dekabr aylarında sərbəst olacağını deyən S.Cerrard əlavə edib ki, bu vaxtdadək məşqçi lisenziyası ala biləcək.