Bakı. Elçin Mehdiyev – Trend:
IV İslam Həmrəyliyi Oyunları çərçivəsində keçirilən yarışlarda Azərbaycanın qadın cüdoçusu Xanım Hüseynova 63 kq çəki dərəcəsində finala vəsiqə əldə edib.
Trend-in məlumatına görə, yarımfinalda cüdoçumuz tunisli idmançı Məryəm Bjaoui ilə görüşdən qalib ayrılıb.
Təmsilçimiz Busra Katipoglu (Türkiyə) - Amina Belkadi (Əlcəzair) cütünün qalibi ilə finalda qarşılaşacaq.
Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.