...

"Qarabağ"ın yeni transferi: "Əlimdən gələnin ən yaxşısını etməyə çalışacağam”

İdman Materials 7 Sentyabr 2017 16:28 (UTC +04:00)
Azərbaycanın ən güclü komandasına gəldiyim üçün xoşbəxtəm. Bu komandadan təklif gələndə təəccüblənmədim.
"Qarabağ"ın yeni transferi: "Əlimdən gələnin ən yaxşısını etməyə çalışacağam”

Bakı. Trend:

“Azərbaycanın ən güclü komandasına gəldiyim üçün xoşbəxtəm. Bu komandadan təklif gələndə təəccüblənmədim. Hətta “Qarabağ” “Rosenborq”u məğlub etdiyi vaxtdan yadımda qalıb".

Trend-in məlumatına görə, bunu “Qarabağ”ın yeni transferi Tarik Elyunussi deyib.

O bu gün Azərbaycana gələrək komandaya qoşulub.

T.Elyunussi bildirib ki, “Qarabağ”ın gücü bəllidir, bu mövsüm Azərbaycan futbol tarixində ilk dəfə Çempionlar Liqasında mübarizə aparacaq: "Güclü qrupda yer almışıq. Buna baxmayaraq, əlimizdən gələni edəcəyik ki, “Qarabağ”ı layiqincə təmsil edək. Buna da inanıram. Komandanın son günlərdə hücumameyilli futbolçular transfer etdiyini bilirəm. Bu rəqabət ancaq komandanın xeyrinə olacaq, keyfiyyətin artmasına kömək edəcək. Mən də “Qarabağ”ın uğur qazanmasını üçün əlimdən gələnin ən yaxşısını etməyə çalışacağam”.

Məqalədə:
Xəbər lenti

Xəbər lenti