...

Topaz Premyer Liqası: dördüncü turun ilk oyunu başa çatıb (VİDEO)

İdman Materials 15 Sentyabr 2018 00:37 (UTC +04:00)
Sentyabrın 14-də Topaz Premyer Liqasının dördüncü turuna start verilib
Topaz Premyer Liqası: dördüncü turun ilk oyunu başa çatıb (VİDEO)

Bakı. Tural Turan - Trend:

Sentyabrın 14-də Topaz Premyer Liqasının dördüncü turuna start verilib.

Trend-in məlumatına görə, “Azersun Arena”da keçirilən turun açılış oyununda “Qarabağ” klubu “Sumqayıt” komandasını qəbul edib.

Oyunda hesab 21-ci dəqiqədə açılıb. Belə ki, Araz Abdullayevin topu qapıya vurduğu anda top "Sumqayıt" klubunun müdafiəçisinin əlinə dəyib. Oyunun baş hakimi İnqilab Məmmədov yan hakimlə məsləhətləşəndən sonra penalti zərbəsi təyin edib. Topa yaxınlaşan Filip Ozobiç fürsəti əldən verməyib. Qalan dəqiqələrdə hər iki komandanın cəhdlərinə baxmayaraq hesab dəyişilməyib.

Fasilədən sonra oyunun favoriti sayilan "Qarabağ" klubu rəqibin qapı qarşısında bir neçə təhlükəli vəziyyət yaradıb. Matçın 61-ci dəqiqəsində ağdamlıların hücumçusu İnnosent Emeqara qapıçı ilə təkbətək qalsa da zərbəsi dəqiq olmayıb. Oyunun 70-ci dəqiqəsində "Sumqayıt" klubun futbolçusu Yusif Nəbiyev ikinci sarı vərəqə alaraq meydandan kənarlaşdırılıb. Beləliklə, görüş "Qarabağ" klubunun 1:0 hesablı qələbəsi ilə başa çatıb.

Məqalədə:
Xəbər lenti

Xəbər lenti