Bakı. Trend:
İngiltərə Premyer Liqasında çıxış eliyən "Lester Siti" klubu yeni baş məşqçisinin adını açıqlayıb.
Trend-in klubun rəsmi saytına istinadən verdiyi məlumata görə, "Lester Siti"nin yeni baş məşqçisi Brendan Rocersdir.
Qeyd edilir ki, baş məşqçi ilə müqavilə 2022-ci ilə qədər nəzərdə tutulub. B.Rocersin rəhbərliyi altında "Lester Siti" ilk matçına Premyer Liqanın 29-cu turu çərçivəsində martın 3-ü "Uotford"a qarşı çıxacaq.
Qeyd edək ki, Brendan Rocers "Seltik" klubunun, daha əvvəl isə "Liverpul"un baş məşqçisi olub.