Bakı. Trend:
İyulun 12-də İtaliyanın Neapol şəhərində keçirilən XXX Ümumdünya Yay Universiadasında ölkəmizi təmsil edən taekvondoçulardan Patimat Abakarova bürünc medala sahib olub.
Azərbaycan Taekvondo Federasiyasından Trend-ə verilən məlumata görə, 53 kiloqram çəki dərəcəsində mübarizə aparan idmançımız Çin (18:0), Rusiya (11:5) və almaniyalı (5:2) rəqiblərini məğlub edərək yarımfinala vəsiqəni təmin edib.
Növbəti koreyalı rəqibi isə keçilməz olub. İdmançımız rəqibinə 1:0 hesabı ilə məğlub olub.
Beləliklə, komandamız universiadanı bir bürünc medalla başa vurub.
Qeyd edək ki, bu, millimizin Universiadada qazandığı beşinci medal olub.