Bakı. Cani Babayeva - Trend:
Bakıda keçirilən batut gimnastikası, ikili mini-batut və tamblinq üzrə 28-ci Dünya Yaş Qrupları Yarışlarında 17-21 yaş qrupunda kişilər arasında ikili mini-batutda tullanma proqramında qalib və mükafatçılar müəyyənləşib.
Trend-in məlumatına görə, bu proqramda bütün mükafat yerləri Rusiyanı təmsil edən gimnastlar tutublar.
Yeqor Qluşçenko qızıl, İvan Akimtsev gümüş, Anton Litvin bürünc medal qazanıb.
Qeyd edək ki, 25-28 noyabr tarixlərində keçiriləcək 28-ci Dünya Yaş Qrupları Yarışları 32 ölkədən 650 idmançı iştirak edəcək.
Gimnastlar həm batut, həm tamblinq, həm də ikili mini-batut üzrə yarışlarda 11-12, 13-14, 15-16 və 17-21 yaş kateqoriyasında yarışacaqlar.
Yarışda gimnastlar batut üzərində fərdi və sinxron tullanışlar, tamblinq və ikili mini-batut üzrə proqramlarda çıxış edəcəklər.
Yarışlarda Azərbaycanı 15 gimnast təmsil edəcək. Batut gimnastikasında Selcan Maqsudova, Maqsud Maqsudov, Ammar Baxşəliyev, İbrahim Mustafazadə, Mehdi Əliyev, Nicat Mirzyəyev, Əli Niftəliyev, Şəfiqə Hümbətova, Səma Cəfərova, tamblinq yarışlarında Tofiq Əliyev, Adil Hacızadə, Bilal Qurbanov, Hüseyn Əsədullayev, Aleksey Karataşov və Elnur Məmmədov iştirak edirlər.