Bakı. Trend:
İspaniyanın "Elçe" futbol klubu baş məşqçisi Pablo Maçinlə yollarını ayırıb.
Trend-in məlumatına görə, bu barədə La Liqa təmsilçisinin mətbuat xidməti məlumat yayıb. Buna komandanın uğursuz çıxışı səbəb olub.
"Elçe" 26 turdan sonra 13 xalla turnir cədvəlinin sonuncu - 20-ci pilləsində qərarlaşıb.
Qeyd edək ki, 48 yaşlı mütəxəssis ötən ilin noyabrından "Elçe"ni çalışdırırdı. İspaniyalı məşqçi bundan əvvəl ölkəsində "Sevilya", "Espanyol" və "Alaves"in baş məşqçisi olub.