Bakı. Trend:
"Sabah" bu gün Konfrans Liqasında mübarizəyə başlayacaq.
Trend xəbər verir ki, paytaxt təmsilçisi 2-ci təsnifat mərhələsinin ilk oyunları çərçivəsində "Makkabi" (Hayfa, İsrail) ilə qarşılaşacaq. İsraildəki müharibə şəraiti səbəbindən matç neytral meydanda - Macarıstandakı "Varkert Sportpalya" stadionunda keçiriləcək. Oyun Bakı vaxtı ilə saat 21:15-də başlayacaq. Matçı belçikalı hakimlər briqadası idarə edəcək.
"Sabah" - "Makkabi" cütünün qalibi növbəti mərhələdə "Sent-Patriks Atletik" (İrlandiya) - "Vadus" (Lixtenşteyn) cütünün güclüsü ilə qarşılaşacaq və ilk oyununu səfərdə keçirəcək.
Qeyd edək ki, "Sabah"la "Makkabi" arasında cavab görüşü avqustun 1-də Bakıda olacaq.
Konfrans Liqası, ilk oyunlar
25 iyul
21:15. "Makkabi" (Hayfa, İsrail) - "Sabah" (Azərbaycan)
Hakimlər: Natan Verbumen, Matias Hillaert, Ruben Vins, Uesli De Kremer
"Varkert Sportpalya", Macarıstan