Paris. Trend:
Azərbaycan badmintonçusu Keişa Fatimə Zəhra Fransanın paytaxtı Parisdə keçirilən Yay Olimpiya Oyunlarında mübarizəni dayandırıb.
Trend xəbər verir ki, idmançımız qrup mərhələsindəki ikinci matçında Böyük Britaniya təmsilçisi Kirsti Qilmor ilə üz-üzə gəlib.
Böyük Britaniyalı idmançıya uduzan təmsilçimiz yarışla vidalaşmalı olub - 0:2 (13:21, 11:21).
O, iyulun 27-də He Bin Çzyao (Çin) ilə dueldən də məğlub ayrılmışdı - 0:2. Qrupda yalnız birinci yeri tutan idmançı növbəti raunda keçəcək.
Qeyd edək ki, Paris-2024 avqustun 11-də başa çatacaq.
