Paris. Trend:
Paris-2024 Yay Olimpiya Oyunlarında bədii gimnastika yarışları davam edir.
Trend xəbər verir ki, fərdi çoxnövçülükdə çıxış edən 24 iştirakçı təsnifat mərhələsində üçüncü hərəkəti başa vurub.
Azərbaycan gimnastı Zöhrə Ağamirova da 3-cü hərəkəti yekunlaşdırıb. Onun lentlə hərəkəti 28,400 xalla qiymətləndirilib.
Bunadək topla 30,200, halqa ilə 32,500 xal əldə edən idmançımız üç hərəkətin cəmində 91,100 xala malikdir. O, ümumi sıralamada 18-ci yerdə qərarlaşıb. Yarışa italiyalı Sofiya Raffaeli liderlik edir – 105,150.
Qeyd edək ki, dörd hərəkətin yekununda ilk 10 yeri tutan gimnast sabahkı finala vəsiqə qazanacaq.
