Bakı. Trend:
Oktyabrın 12-də Bolqarıstanın paytaxtı Sofiyada 22 yaşadək (U-22) boksçular arasında Avropa çempionatı start götürəcək.
Trend İdman.biz-ə istinadən xəbər verir ki, 9 gün davam edəcək yarışda Azərbaycan millisi də qüvvəsini sınayacaq.
Məşqçilər korpusu yarışda Tural Sarıyev (48 kq), Nicat Hüseynov (51 kq), Amin Məmmədzadə (54 kq), Kamil Babayev (57 kq), Ruslan Qədirov (63,5 kq), İlqar Salahov (67 kq), Şəmsi Şahbazov (71 kq), Fərhad Şeydayev (75 kq), Murad Allahverdiyev (80 kq), Seyid Seyidov (86 kq), Mehparə Məmmədova (48 kq), Marjona Savriyeva (50 kq) və Zeynəb Rəhimovaya (54 kq) şans verəcək.
Çempionatda ədalət təmsilçiləri sırasında beynəlxalq dərəcəli hakimimiz Anar Nağdiyev də yer alacaq.