Bakı. Trend:
Albaniyanın paytaxtı Tiranada keçirilən qeyri-olimpiya çəkiləri üzrə dünya çempionatına bu gün yekun vurulub.
Trend İdman.biz-ə istinadən xəbər verir ki, son gün sərbəst güləşçilər medallar uğrunda mübarizə aparıblar.
Azərbaycan millisinin də 3 güləşçisi təsəlliverici görüşlərdə xalça üzərinə çıxıb.
Dünya çempionatı
Sərbəst güləş
61 kq
Nurəddin Novruzov təsəlliverici görüşdə Peter Hammerlə (Kosta-Rika)
qarşılaşıb. 14:4 hesabı ilə qalib gələn güləşçimizin növbəti rəqibi
Jozef Silva (Puerto-Riko) olub. Bu görüşü 17:6 hesabı ilə üstün
bitirən Nürəddin 3-cü yer uğrunda Tsoqbadrax Tsevensurenla
(Monqolustan) üz-üzə gəlib və 2:8 hesabı ilə uduzub.
79 kq
Orxan Abasov təsəlliverici görüşdə Suldxu Olonbayarla (Monqolustan)
gücünü yoxlayıb. Təmsilçimiz 4:5 hesabı ilə uduzaraq, mundialla
vidalaşıb.
92 kq
Abubakr Abakarov təsəlliverici görüşdə Devid Teylordan (ABŞ) güclü
olmağa çalışıb. Amma güləşçimiz 1:3 hesabı ilə uduzub.
Qeyd edək ki, mundialda yunan-Roma güləşçilərimizdən Eldəniz Əzizli (55 kq), Nihat Məmmədli (63 kq) və Ülvü Qənizadə (72 kq) qızıl medal qazanıb.