Bakı. Trend:
Beynəlxalq Olimpiya Komitəsinin (BOK) İcraiyyə Şurası İtaliyanın Valtellina Dolomites bölgəsində keçiriləcək 2028-ci il Gənclər Olimpiya Oyunlarının idman proqramında dəyişikliklər edildiyini açıqlayıb.
Trend xəbər verir ki, 2028-ci il Gənclər Olimpiya Oyunları əvvəlki yarışlarla müqayisədə daha qısa müddətdə keçiriləcək və iştirakçıların sayı təxminən 20 faiz azaldılacaq.
Yeni proqram çərçivəsində Olimpiya yarışlarına yeddi əsas Qış Olimpiya idman növü daxil ediləcək. Bunlar biatlon, bobsley, kerlinq, buz üzərində xokkey, şana idmanı, sürətli konkisürmə və xizək sürməsidir. Bununla yanaşı, təşkilatçılar yeddi yeni idman növünü proqramda yer alacaq, 15 idman növü isə ləğv ediləcək.
BOK üzvü və Olimpiya Proqram Komissiyasının sədri Karl Stoss bildirib ki, yenilənmiş proqram davamlılıq, innovasiya və gənclərə yönəlmiş müasir yarış formatları prinsiplərinə sadiqliyi əks etdirir. Onun sözlərinə görə, əsas məqsəd 2028-ci ildə Valtellina Dolomitesdə keçiriləcək Gənclər Olimpiya Oyunlarının gənc idmançıların inkişaf ehtiyaclarına və ev sahibi regionun imkanlarına uyğun olaraq dünya səviyyəli təcrübə təqdim etməsini təmin etməkdir.