...

Nazirlik: Ölkədə fitosanitar nəzarətin gücləndirilməsinə ehtiyac var

İqtisadiyyat Materials 14 İyun 2017 12:27 (UTC +04:00)
Hazırda bitki mənşəli məhsulların beynəlxalq ticarətinin genişləndirilməsi və regionda ölkələr arasında ticarət dövriyyəsinin artması zəminində ölkədə fitosanitar nəzarətin daha da gücləndirilməsinə ehtiyac var.
Nazirlik: Ölkədə fitosanitar nəzarətin gücləndirilməsinə ehtiyac var

Trend-i buradan izləyin

Bakı. Trend:

Hazırda bitki mənşəli məhsulların beynəlxalq ticarətinin genişləndirilməsi və regionda ölkələr arasında ticarət dövriyyəsinin artması zəminində ölkədə fitosanitar nəzarətin daha da gücləndirilməsinə ehtiyac var.

Kənd Təsərrüfatı Nazirliyindən (KTN) Trend-ə verilən məlumata görə, bunu FAO-nun “Azərbaycanda fitosanitar nəzarətin və diaqnostika xidmətlərinin gücləndirilməsi” layihəsi çərçivəsində “İdxal zamanı bitki və bitki mənşəli məhsulların yoxlanılması” üzrə təlim seminarda KTN yanında Dövlət Fitosanitar Nəzarəti Xidmətinin rəisi Camal Quliyev deyib.

Xidmət rəisi bu baxımdan ölkə ərazisinin zərərli orqanizmlərdən mühafizəsinin gücləndirilməsi, karantin tətbiq edilən zərərli orqanizmlərin əmələ gəlməsi və yayılmasının qarşısının alınması sahəsində zərurətin olduğunu qeyd edib.

Dövlət sərhədinin buraxılış məntəqələrində risk və təhlükələrin çoxaldığını deyən Dövlət Gömrük komitəsinin Gömrük Nəzarətinin Təşkili Baş İdarəsinin Gömrük Rejimlərinə Nəzarət İdarəsinin rəisi Rauf Məmmədov ölkədə ilk növbədə ərzaq və kənd təsərrüfatı məhsullarının təhlükəsizliyinin təmin edilməsinin vacibliyini diqqətə çatdırıb.

Məqalədə:
Xəbər lenti

Xəbər lenti