...

"InvestAZ"dan dünya maliyyə bazarları ilə bağlı həftəlik analiz

İqtisadiyyat Materials 18 Dekabr 2017 11:07 (UTC +04:00)
InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.
"InvestAZ"dan dünya maliyyə bazarları ilə bağlı həftəlik analiz

Bakı. Trend:

InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.

EUR

Dünya valyuta birjalarında EUR/USD valyuta cütlüyünün qiyməti 1.1737$-a kimi ucuzlaşıb. Məzənnə üzrə təhlillər isə qiymətdə ucuzlaşmasının 1.1707 və 1.1650$-a kimi davam edə biləcəyini göstərir.

Bazar ertəsi Bakı vaxtı ilə saat 14:00-da və cümə axşamı saat 17:30-da müvafiq olaraq açıqlanacaq Avrozonada inflyasiya və ABŞ-da iqtisadi inkişaf ilə bağlı önəmli statistik məlumatların da beynəlxalq maliyyə bazarlarında məzənnələrə güclü təsir edəcəyi gözlənilir.

GBP

GBP/USD qiymətində 1.3308$-ın aşağı istiqamətdə qırılmasında çətinliyin olduğu müşahidə edilir. Məzənnə üzrə proqnozlarında “ayı trendi”-ni müdafiə edən investorlar üçün isə bu səviyyənin aşağı istiqamətdə qırılması önəmli əhəmiyyət kəsb edir. Məhz qiymət 1.3308$-ın altında qalarsa, 1.3159$-a kimi 1% ucuzlaşa bilər.

Qeyd etmək lazımdır ki, İngiltərənin Avropa Birliyindən ayrılması danışıqları fonunda iqtisadiyyatda müşahidə edilən qeyri-müəyyənlik, funtun qiymətinə də mənfi təsir edir.

TRY

Türkiyə bazarlarında USD/TRY məzənnəsi keçən həftə 3.84TL-nin altında qalmadı və Türkiyə Mərkəzi Bankının qərarından sonra yenidən bahalaşdı. Hal-hazırda 3.85TL-nin üzərində möhkəmlənməyə çalışan qiymət, 3.90 və 3.92TL-ə kimi də bahalaşa bilər.

OIL

Enerji bazarlarında isə Avropanın Brent markalı neftinin bir barel qiyməti 63$-a ticarət edilir. Qiymət gələcək günlər ərzində yenidən 64$-a kimi bahalaşmaqla, bu səviyyənin üzərində möhkəmlənərsə, 66$-a kimi də dəyər qazana bilər.

Dünyada neftə olan tələbin daha da arta biləcəyinə işarə edən xəbərlərin son günlər sıx açıqlanması, neft qiymətlərinin bahalaşmasını gücləndirən əsas amillərdir.

GOLD

Əlvan metallar bazarlarında da qiymət 1240$-a (39.8 $/qram) kimi ucuzlaşdıqdan sonra sürətlə bahalaşmağa başlayıb. Beləliklə, 1255$-a (40.3 $/qram) ticarət edilən qızılın bir unsiya üzrə qiymətinin 1253$-ın (40.2 $/qram) üzərində qaldıqca, 1261 (40.4 $/qram) və 1268$-a (40.7 $/qram) kimi dəyər qazanacağı proqnozlaşdırılır.

İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.

“İnvest-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikası Maliyyə Bazarlarına Nəzarət Palatası tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.

Risk bildirişi

Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.

Məqalədə:
Xəbər lenti

Xəbər lenti