Bakı. İlkin Şəfiyev - Trend:
2018-ci ilin yanvarın 1-ə olan vəziyyətə görə, Azərbaycanda avotomobillərin sayı 1,34 milyon ədəd təşkil edib.
Trend-in məlumatına görə, bunu Dövlət Statistika Komitəsinin sədri Tahir Budaqov Yeni Azərbaycan Partiyasının saytında dərc olunmuş müsahibəsində deyib.
T.Budaqovun sözlərinə görə, hesabat dövründə Azərbaycanda hər 1000 nəfərə 118 avtomobil düşüb. 2003-cü ildə isə bu rəqəm 48-ə bərabər idi. Hər 100 ailədən 52-də şəxsi minik avtomobilİ var.
Komitə sədri qeyd edib ki, nəqliyyat sektoru Azərbaycan iqtisadiyyatında vacib yer tutur. 2017-ci ildə ölkənin ümumi daxili məhsulunda nəqliyyat sektorunun payı 6,8 faiz təşkil edib. 2003-cü ildən bu sahədə yaradılmış əlavə dəyərin həcmi 2,8 dəfə artıb.