Bakı. Trend:
Azərbaycanın ən böyük onlayn ödəmə portalı olan Hesab.az- da ödəniş etmək həm sürətli, həm də rahat olmaqla yanaşı təhlükəsizdir və eyni zamanda da bonuslar qazanmaq imkanı verir. Daha sonra bonuslarınızı dərhal dəyiş bölməsində müxtəlif kampaniya, hədiyyələrə dəyişə yaxud ildə bir neçə dəfə keçirilən hərracda iştirak edərək hədiyyə qazanmaq şansı əldə edə bilərsiniz.
Hesab.az bu ilin növbəti hərracını 21 noyabrdan etibarən başladıb. Məlumat üçün qeyd etmək istərdik ki, hərrac artıq uzun müddətdir ildə bir neçə dəfə həyata keçirilir. Əsasən dəyərli hədiyyə qazanmaq imkanı verən hərracda olduqca qızğın mübarizə gedir. Telefonlar, yaddaş kartları, kino biletləri, USB kabel və s. kimi onlarla hədiyyə istifadəçilərin olduqca böyük marağına səbəb olur.
Hədiyyələrə müxtəlif bonus dəyəri təyin olunur və 24 saat ərzində daha üstün bonus təklif verən şəxs qalib olur. Bütün iştirak şərtləri haqqında məlumatlarla sayta daxil olarkən tanış olmaq olar. Keçirilən hərrac zamanı kimin hansı təklifi verdiyini və ya qalib olduğunu istifadəçilər tam şəkildə görə bilirlər.
Azərbaycanda ən böyük onlayn ödəmələr şirkəti GoldenPay 2007-ci ilin iyul ayında yaradılıb. Şirkət texniki işlərin yekunlaşması, “Visa” və “MasterCard” beynəlxalq ödəniş sistemlərindən müvafiq sertifikatların alınmasından sonra 2008-ci ilin dekabr ayında fəaliyyətə başlayıb.
2011-ci ilin aprel ayında GoldenPay şirkəti Hesab.az - Azərbaycanın ən böyük onlayn xidmətlər platformasını yaradıb. Hesab.az-da müxtəlif kommunal, stasionar və mobil rabitə, internet, bank kreditlərinin ödənişi, onlayn sığorta, kinoteatra bilet və sair xidmətlərin alışı /ödənişi mümkündür.