Bakı. Trend:
Türk Hava Yolları Azərbaycanın Naxçıvan Muxtar Respublikasına uçuşları dayandırıb.
Trend-in məlumatına görə, bu barədə məlumatı şirkətin İdarə Heyətinin sədri İlkər Aycı deyib.
Türk Hava Yollarının Bakı ofisinin rəhbəri Seyfullah İlyas isə bildirib ki, Türkiyədən Naxçıvana ümumilikdə dörd uçuş təxirə salınıb və bu koronavurusla mübarizə çərçivəsində atılan addımdır.
Bakı və Gəncəyə uçuşlar isə qrafikə uyğun davam edir.
Qeyd olunub ki, eyni zamanda Səudiyyə Ərəbistanı və İrana da uçuşlar dayandırılıb, Naxçıvana isə müvəqqəti dayandırılıb.