Bakı. Samir Əli - Trend:
Əmlak və kapital amnistiyası ilə bağlı məsələ İşçi Qrup səviyyəsində müzakirə edilir.
Trend-in məlumatına görə, bu barədə bu gün keçirilən mətbuat konfransında İqtisadiyyat naziri Mikayıl Cabbarov bildirib.
Onun sözlərinə görə, bu məsələyə sahibkarlar tərəfindən maraq göstərilir: "Hazırda bununla bağlı beynəlxalq təcrübə nəzərdən keçirilir. Proses başa çatandan sonra nəticə barədə ictimaiyyətə məlumat veriləcək".