...

Yaşa görə pensiyaların orta aylıq məbləği artıb

İqtisadiyyat Materials 4 Mart 2021 10:07 (UTC +04:00)
Yaşa görə pensiyaların orta aylıq məbləği artıb

Bakı. Trend:

Son 3 ildə pensiyaların orta aylıq məbləği 60% artıb.

Əmək və Əhalinin Sosial Müdafiəsi Nazirliyindən Trend-ə verilən məlumata görə, ölkəmizdə pensiyaların orta aylıq məbləği ilin əvvəli ilə müqayisədə daha 10%-dək artaraq 330 manata çatıb.

Hazırda yaşa görə pensiyaların orta aylıq məbləği 361 manat, əlilliyə görə pensiyaların orta aylıq məbləği 290 manat, ailə başçısını itirməyə görə pensiyaların orta aylıq məbləği 267 manat təşkil edir.

Bu artımı əsasən cari ilin əvvəlindən pensiyaların indeksləşdirilərək artırılması təmin edib.

Ümumilikdə 2018-ci ilin əvvəlinə nisbətən pensiyaların orta aylıq məbləği 60% artıb.

Məqalədə:
Xəbər lenti

Xəbər lenti