...

Əməkhaqlarının birgə maliyyələşdirilməsi proqramı üzrə 378 şəxsə iş üçün göndəriş verilib

İqtisadiyyat Materials 1 Aprel 2021 16:27 (UTC +04:00)
Əməkhaqlarının birgə maliyyələşdirilməsi proqramı üzrə 378 şəxsə iş üçün göndəriş verilib

Bakı. Trend:

Onların bir hissəsi şəhid ailəsi üzvləri, müharibə iştirakçılarıdır

Şəhid ailəsi üzvlərinin və müharibə iştirakçılarının məşğulluğunun təminatına əməkhaqlarının birgə maliyyələşdirilməsi Proqramı çərçivəsində də dəstək göstərilir.
Əmək və Əhalinin Sosial Müdafiəsi Nazirliyinin tabeliyindəki Dövlət Məşğulluq Agentiyi tərəfindən həmin proqram çərçivəsində işəgötürənlərlə bağlanmış müqavilələr əsasında artıq 378 şəxsə işlə təmin edilmək üçün göndəriş verilib.

Əmək və Əhalinin Sosial Müdafiəsi Nazirliyindən Trend-ə verilən məlumata görə, onlardan böyük hissəsi ilə qısa müddətdə əmək müqaviləsi bağlanıb. Proqram üzrə işlə təmin olunanların bir hissəsi də Vətən müharibəsi şəhidlərinin ailə üzvləri və həmin müharibənin iştirakçılarıdır.

Əməkhaqlarının birgə maliyyələşdirilməsi Proqramına qoşulmaq üçün artıq 114 işəgötürən müraciət edib. “Məşğulluq” altsisteminə vakansiyalar yerləşdirən, müəyyən edilmiş prioritet iqtisadi sahələr üzrə vakansiyası olan həmin işəgötürənlərlə müqavilələrin imzalanması, göndəriş verilmiş şəxslərlə əmək müqavilələrinin bağlanması prosesi davam edir.

Bu proqram əsasında göndəriş verilmiş və işəgötürənlər tərəfindən işlə təmin edilən şəxslərin əməkhaqlarının bir hissəsi Dövlət Məşğulluq Agentliyi tərəfindən maliyyələşdirilir. İşəgötürənlər proqrama https://forms.gle/2kkhuMqDUHUuSjtB6 linkinə daxil olaraq müraciət edə bilərlər.

Məqalədə:
Xəbər lenti

Xəbər lenti