Bakı. Trend:
OPEC+ ölkələri oktyabr ayında neft hasilatı həcmini 100 min barel/sutka azaltmaq barədə qərar qəbul edib.
Trend-in məlumatına görə, bu barədə qərar OPEC+ monitorinq komitəsinin bugünkü iclasında verilib.
Avqustda keçirilmiş əvvəlki görüşdə hasilatın 100 min barel/sutka artırmaq qərarı verilmişdi.
Bugünkü iclasdan əvvəl hasilat həcminin dəyişməz saxlanılacağı gözlənilirdi.
Xatırladaq ki, OPEC+ ölkələri 2021-ci ilin avqustundan etibarən aylıq neft hasilatını 400 min barel/sutka artırmaq qərarına gəlmişdi.
Bu ilin mart ayında keçirilən iclasda isə may ayından etibarən hasilatın 432 min barel/sutka artırılması qərara alınmışdı.