Bakı, Trend:
İqtisadiyyatın şaxələndirilməsi Azərbaycan üçün ən yaxşı seçimdir.
Trend-in məlumatına görə, bunu Belçikanın keçmiş Baş naziri İv Leterm Kiçik və Orta Müəssisələr üçün Beynəlxalq Şəbəkənin (INSME) "KOB-ların səlahiyyətlərinin genişləndirilməsi, iqtisadiyyatın şaxələndirilməsi və yaşıl inkişaf" mövzusunda keçirilən 18-ci illik toplantısının açılış mərasimində çıxışı zamanı deyib.
"Azərbaycan və bütövlükdə ölkə rəhbərliyinin siyasəti iqtisadi sabitliyin simvoludur", - İ.Leterm bildirib.
Onun sözlərinə görə, koronavirus pandemiyası, iqlim dəyişikliyi və digər qlobal böhranlar zamanı iqtisadiyyatın davamlılığı üçün kiçik və orta sahibkarlığın (KOS) inkişafının tam potensialına nail olmaq həmişəkindən daha vacibdir.