...

BMT iqtisadiyyatın “yaşıl” transformasiyasında Azərbaycana dəstəyini davam etdirəcək

İqtisadiyyat Materials 7 Dekabr 2022 12:02 (UTC +04:00)
BMT iqtisadiyyatın “yaşıl” transformasiyasında Azərbaycana dəstəyini davam etdirəcək

Bakı. Trend:

BMT iqtisadiyyatın “yaşıl” transformasiyasında Azərbaycana dəstəyini davam etdirəcək.

Trend-in məlumatına görə, bunu çərşənbə günü BMT-nin daimi rezident əlaqələndiricisinin müavini Kanako Mabuçi "Azərbaycan: yaşıl inkişaf yolunda" adlı hesabatın təqdimatı zamanı deyib.

Onun sözlərinə görə, Azərbaycan artıq “yaşıl” iqtisadiyyatın inkişafında mühüm irəliləyiş əldə edib.

"Azərbaycan 2030-cu ilə qədər istixana qazı emissiyalarını 35 faiz azaltmaq məqsədini açıqlayıb. Ölkə, həmçinin, 2050-ci ilə qədər istixana qazı emissiyalarını 40 faiz azaltmağı öhdəsinə götürüb. "Azərbaycan: Yaşıl İnkişafa doğru" hesabatında "təmiz artım"a doğru yolunda sürətləndirilmiş fəaliyyətə çağırış edilir", - deyə Mabuçi bildirib.

O vurğulayıb ki, BMT Paris sazişi üzrə öhdəliklərini yerinə yetirməkdə Azərbaycana dəstək verməyə hazırdır:

"BMT-nin ölkədəki nümayəndə heyəti adından Azərbaycanın bu istiqamətdə atdığı addımları dəstəklədiyimi bildirirəm. Biz güclü tərəfdaşlığımızı davam etdirəcək və Azərbaycanın dayanıqlı inkişaf məqsədlərinə nail olunması prosesini sürətləndirəcəyik. Biz öhdəliklərimizə sadiq qalırıq".

Məqalədə:
Xəbər lenti

Xəbər lenti