...

Yeni bağların salınması üçün aşağı faizli kreditlərin güzəşt müddəti uzadılıb

İqtisadiyyat Materials 1 Fevral 2023 10:22 (UTC +04:00)
Yeni bağların salınması üçün aşağı faizli kreditlərin güzəşt müddəti uzadılıb
Samir Əli
Samir Əli
Bütün xəbərlər

Bakı. Trend:

Ölkədə yeni bağların salınması məqsədilə dövlətin vəsaiti hesabına aşağı faizlə verilən kreditlərin güzəşt müddəti uzadılıb.

Trend-in məlumatına görə, bunu bu gün kənd təsərrüfatı nazirinin müavini İlhamə Qədimova 2-ci Aqrobiznesin İnkişafı Forumunda deyib.

O bildirib ki, həmçinin kənd təsərrüfatı kooperativlərinin fəaliyyətlərinin genişləndirilməsi və təşviqi üçün aqrar kooperativlərə münasibətdə kredit faizinin maksimum həddi 5 faiz müəyyən edilib.

"Həyata keçirilən islahatlar nəticəsində fermerin razılığı və kredit təşkilatlarına müraciəti əsasında ona veriləcək subsidiya vəsaitinin fermerin kənd təsərrüfatı təyinatlı kredit (lizinq) borclarının təminatı kimi rəsmiləşdirilməsi və ya həmin borcların ödənilməsinə yönəldilməsi təmin olunur.

Bununla yanaşı, biz aqrar biznes sektorunu dəstəkləmək üçün aqrar bazarımızı ədalətli rəqabətə açmışıq. Hazırda xarici şirkətlər heç bir bürokratik prosedur olmadan müstəqil olaraq öz məhsullarını fermerlərə təklif edə və dövlətin güzəştlərindən yararlana bilirlər", - nazir müavini bildirib.

Məqalədə:
Xəbər lenti

Xəbər lenti