Bakı. Trend:
2024-cü ilin yanvar – oktyabr aylarında Türkiyədən Azərbaycana kimyəvi maddə məhsulları ixracı ötən ilin eyni dövrü ilə müqayisədə 7 faiz artaraq, 438,6 milyon dollara bərabər olub.
Trend xəbər verir ki, bu barədə TurkicWorld-ə Türkiyə Ticarət Nazirliyindən bildiriblər.
“Bu ilin oktyabr ayında Türkiyə Azərbaycana 45,9 milyon dollar məbləğində kimyəvi maddə məhsulları ixrac edib ki, bu da keçən ilin oktyabr ayı ilə müqayisədə 16,5 faiz çoxdur” – deyə nazirlikdən bildirilib.
Qeyd edək ki, 2024-cü ilin yanvar-oktyabr aylarında Türkiyənin kimyəvi məhsul ixracı ötən ilin eyni dövrü ilə müqayisədə 2,7 faiz artaraq, 25 milyard 618 milyon dollara bərabər olub.
“Bu ilin oktyabr ayında Türkiyə 2 milyard 465 milyon dollar məbləğində kimyəvi məhsul ixrac edib ki, bu da keçən ilin oktyabr ayı ilə müqayisədə 8,2 faiz azdır” – deyə nazirlikdən bildirilib.
Qeyd olunub ki, son 12 ay ərzində (oktyabr 2023-oktyabr 2024) Türkiyə 31 milyard 419 milyon dollar məbləğində kimyəvi məhsul ixrac edib.