Bakı. Trend:
Bu ilin dekabrın 1-nə Azərbaycanda geniş mənada pul kütləsinin (M3 aqreqatı) həcmi 48,662 milyard manat təşkil edib.
Trend-in Azərbaycan Mərkəzi Bankına (AMB) istinadən verdiyi məlumata görə, bu, ötən ilin eyni dövrü ilə müqayisədə 3,970 milyard manat və ya 8,9% çoxdur.
Bundan başqa, 2025-ci ilin dekabrın 1-nə manatla pul kütləsinin (M2 aqreqatı) həcmi 37,596 milyard manat təşkil edib ki, bu da 2024-cü ilin eyni dövrünə nisbətdə 2,957 milyard manat və ya 8,5% çoxdur.
Həmçinin hesabat dövründə M1 pul aqreqatı üzrə göstərici 29,483 milyard manata bərabər olub. Bu, 2024-cü ilin eyni dövrü ilə müqayisədə 1,778 milyard manat və ya 6,4% çoxdur.
Eyni zamanda, bu ilin dekabrın 1-nə banklardan kənarda olan nağd pul kütləsi (M0 aqreqatı) 17,234 milyard manat təşkil edib ki, bu da ötən ilin eyni dövrünə nisbətdə 1,6 milyard manat və ya 10% çoxdur.