Azərbaycan, Bakı, / Trend , müxbir S.Babayeva/ Çərşənbə axşamı Azərbaycanın Lerik rayonunda keçirilən əmək yarmarkasında 42 nəfər işlə təmin olunub . Bu barədə Azərbaycan Əmək və Əhalinin Sosial Müdafiəsi Nazirliyinin Baş Məşğulluq İdarəsindən məlumat verilib.
Yarmarkalar zamanı 20 müəssisə 302 boş işçi yeri təklif edib. Hazırlıq kurslarına
15 nəfər göndərilib.
Cari ilin əvvəlindən nazirlik tərəfindən Azərbaycanın 45 şəhər və rayonunda yarmarkalar keçirilib.
Nəticədə 3902 nəfər işlə təmin olunub. Əmək yarmarkalarında 1558 işə götürmə şirkəti iştirak edib. Onlar tərəfindən 14787 boş iş yeri təklif olunub.