Azərbaycan , Bakı/ Trend ? müxbir Ü.İsmayılova/ Yanvar-sentyabr aylarında Azərbaycanın iri sığorta şirkətlərindən biri olan MBASK-ın sığorta gəlirləri 2006-cı ilin müvafiq dövründəki 4,4 mln. manata qarşı iki dəfə artaraq, 8,8 mln. manat təşkil edib. Bunu cümə axşamı şirkətin idarə heyətinin rəhbəri Cəmil Məlikov bildirib.
Məlikov söyləyib ki, şirkət ilin sonuna qədər sığorta gəlirlərini 12 mln. manata qədər çatdırmaq niyyətindədir.
Azərbaycanın sığorta bazarında 1992-ci ildən faəaliyyət göstərən MBASK 29 növ sığorta xidməti göstərir ki, bunlardan da dördü icbari sığorta növünə aiddir. Şirkətin Nizamnamə Kapitalı 2 mln. manata bərabərdir.
