Azərbaycan, Bakı / Trend , müxbir Ü.İsmayılova/ "Basak-Inam" Türkiyə-Azərbaycan birgə sığorta şirkətinin cümə axşamı yaydığı məlumatda bildirilir ki, sığorta şirkətinin sığorta haqları yanvar-sentyabr ayları ərzində 2,3 mln. manat, sığorta ödənişləri isə, 1,031 mln. manat təşkil edib.
Sığorta haqları üzrə ən yüksək göstərici KACKO sığortasının payına düşür, 742,3 min manat.
2006-cı ilin analoji dövrü ilə müqayisədə, sığorta haqlarının artımı 28,4%, ödənişlərin artımı isə, 47,3% təşkil edib.
2006-cı ildə doqquz ay ərzində şirkətin sığorta haqları 1,8 mln. manat, ödənişlər isə, 700 min manat təşkil edib.
Sığortanın icbari növləri üzrə sığorta haqları bu dövr ərzində 16,678 min manat, ödənişlər 9,32 min manat təşkil edib. 2006-cı ilin yanvar-sentyabr ayları ərzində sığortanın icbari növləri üzrə sığorta haqlarının artımı 45,1%, ödənişlərin artımı isə 2,1% təşkil edir.
"Basak-Inam" birgə sığorta şirkəti 1996-cı ildən fəaliyyət göstərir və sığortanın 32 növünü təklif edir. Şirkətin Nizamnamə Kapitalı 800 min manat təşkil edir.