Azərbaycan, Bakı/ Trend , müxbir Ü.İsmayılova/ Yanvar-sentyabr aylarında Azərbaycanda istehsal, qeyri- isttehsal obyektlərinin və binaların tikintisinə 258,1 mln. manat məbləğində 1946 dövlət icazəsi verilib. Bu barədə Dövlət Statistika Komitəsinin məlumatında göstərilib.
Məlumatda göstərilir ki, tikilən binaların 836-sı xidmət və ticarət sahəsi, 9-u nəqliyyat, 7-si kənd təsərrüfatı, 95-i iqtisadi qurumlar və 987-si mənzil tikintisinə aiddir. Tikintisinə icazə verilmiş çoxmərtəbəli binalardakı məzillərin ümumi sahəsi 585,7 min kvadrat metrdir.
Tikinti işlərinin böyük hissəsi (64 faiz) Bakı, Əli Bayramlı, Gəncə və Mingəçevirin payına düşür.