Azərbaycan, Bakı / Trend / Azərbaycanın Kənd Təsərrüfatı Nazirlyinin Dövlət Baytarlıq Xidməti mənşəyi məlum olmayan ət və ət məhsullarının qanunsuz satışı hallarını aşkar etmək məqsədilə "28 may" metro stansiyası və dəmir yol vağzalı ətrafında reydlər aparıb.
Baytarlıq Xidmətinin verdiyi məlumata görə, reydlər çərşənbə axşamı səhər saat 4:00-dan polis əməkdaşlarının iştirakı ilə başlanıb.
Reydlər zamanı qanunsuz ət satışı ilə bağlı heç bir hal aşkarlanmayıb, lakin baytarlıq xidməti baş verə biləcək qanunsuz ət satışı hallarının qarşısını almaq məqədilə gələcəkdə də reydlər keçirilməsinə ehtiyac olduğunu bildirir.
Dövlət Baytarlıq Xidməti tərəfindən Polis İdarəsinə və Bakının Nəsimi rayon İcra Hakimiyyətinə bu kimi halların qarşısının alınması ilə bağlı müraciət göndərilib.